Паспяхова выступілі на абласных конкурсах вучні аддзялення фартэпіяна Міёрскай дзіцячай школы мастацтваў.

На абласным конкурсе юных канцэртмайстраў «Віват, канцэртмайстар!» дэбютавалі Юрый Закрэўскі, Ганна Курчэўская і Сафія Касач. Прадэманстравалі навыкі акампанавання. Юрый і Сафія акампанавалі на скрыпцы, Ганна – на балалайцы. Ілюстратамі выступілі педагогі Ганна Пазняк і Антоній Блажэвіч.

Журы ацаніла майстэрства юных музыкаў. Дыплом І ступені ў Юрыя Закрэўскага і Ганны Курчэўскай, дыплом ІІ ступені атрымала Сафія Касач.

Упершыню ўдзельнічала ў адкрытым абласным конкурсе юных піяністаў «Натхненне» Альбіна Кажан. Выканала праграму з трох твораў. Вынік – дыплом лаўрэата ІІІ ступені.

– Рада такім поспехам, – гаворыць педагог Жанна Каськевіч. – Удзел у конкурсах патрабуе не толькі майстэрства выканання. Трэба не разгубіцца ў новай сітуацыі, справіцца з хваляваннем. Конкурсы сталі добрай матывацыяй для дзяцей. Рыхтаваліся адказна, стараліся. Конкурсная дзейнасць дапамагае развіваць нашых выхаванцаў. 

Кацярына РЫНКЕВІЧ.

Фотаматэрыял аўтара і з альбома Жанны КАСЬКЕВІЧ.