Правілы вядзення рыбалоўнай гаспадаркі і рыбалоўства патрабуюць ад аматараў рыбнай лоўлі падтрымліваць належны санітарны стан вадаёмаў, не пакідаць на берагах і ў вадзе смецце, бытавыя адходы, не забруджваць рыбалоўныя ўгоддзі іншым чынам. Гэта клопат не толькі пра водных жыхароў, але і пра ўласнае здаровае прыроднае асяроддзе.

Больш таго, за такія парушэнні беларускім заканадаўствам прадугледжана пакаранне штрафам у памеры да 20 базавых велічынь. Сума значная, толькі і яна не спыняе неахайных людзей. Сёлета за 5 месяцаў супрацоўнікі Браслаўскай міжрайінспекцыі аховы жывёльнага і расліннага свету ўжо склалі восем адміністрацыйных пратаколаў на рыбаловаў-аматараў за забруджванне рыбалоўных угоддзяў. Калі ласка, не імкніцеся трапіць ў гэты зусім неаўтарытэтны спіс.

А. АНТОНАЎ, дзяржінспектар
Браслаўскай міжрайінспекцыі.

Фота Вольгі ВІШНЕЎСКАЙ.