Сёлета раённая газета адзначыць 85-гадовы юбілей, у сувязі з гэтым прапануем вам 85 фактаў пра яе.

Пачатак тут...

Сёння раскажам пра фотаздымку.

6. У розныя гады фатографамі раёнкі былі І. Супранёнак, Пётр Баброўскі, Казімір Блажэвіч. Трэба адзначыць, што штат карэспандэнтаў быў значна шырэй і мяняліся яны часцей.

7. Сённяшні фотакарэспандэнт Казімір Блажэвіч вучыўся працаваць на электрагравіравальным станку, на якім выраблялася фотаклішэ для наступнай раздрукоўкі на старонках газеты, ад свайго папярэдніка Пятра Баброўскага.

8. З пераходам на афсетны друк (раней газета «Сцяг працы» друкавалася ў сваёй тыпаграфіі) патрэба ў электрагравіравальным станку адпала, паколькі гэтым ужо займалася Наваполацкая тыпаграфія. Сёння ў абавязкі фотакора ўваходзіць толькі фотаздымка і апрацоўка фота.

9. Казімір Блажэвіч прысвяціў раённай газеце звыш 40 гадоў. У 2000-х рэдакцыі паўсямесна пераходзілі на лічбавую фотатэхніку, таму працэс вырабу фота значна спрасціўся. Было прынята рашэнне скараціць пасаду фотакарэспандэнта. Казімір Альбертавіч на працягу чатырнаццаці гадоў працаваў на раённым радыё, якое дзейнічала пры рэдакцыі. У 2013-м пасаду фотакора зноў увялі ў штат.

10. Фатаграфіі – твар друкаванага і электроннага выдання. Раённая газета не раз станавілася дыпламантам розных творчых конкурсаў, адзначаны і асабістыя заслугі Казіміра Блажэвіча. У 2016 і 2022 гадах ён стаў найлепшым у сваёй намінацыі ў вобласці.

Працяг будзе.

➡ Частка 3.

➡ Частка 4.