Сімвал уз’яднання беларускага народа

Член Пастаяннай камісіі Савета Рэспублікі Нацыянальнага сходу Рэспублікі Беларусь, начальнік Віцебскага абласнога ўпраўлення МНС Сяргей Мялешкін – пра Дзень народнага адзінства:

– Кожны беларус з’яўляецца носьбітам нашай гісторыі, нашых традыцый і подзвігаў. Дзень народнага адзінства – сімвал уз’яднання народа, бо толькі разам мы захаваем і памножым дабрабыт роднай дзяржавы. І перададзём у спадчыну нашым нашчадкам моцную, незалежную і квітнеючую Беларусь.

Напярэдадні Дня народнага адзінства сенатар удзельнічаў ва ўрачыстых мерапрыемствах у Лужках Шаркаўшчынскага раёна. Разам з іх удзельнікамі высадзіў туі на «Алеі адзінства», а затым у храме Нараджэння Прасвятой Багародзіцы прысутнічаў на малебне за мір і адзінства беларускага народа.