З калектывам магазіна «Санта» падчас Адзінага дня інфармавання сустрэўся намеснік старшыні райвыканкама Андрэй Пуйша. Тэма для размовы – «Абарончая моц беларускай арміі і патрыятызм у сучасных умовах».

Ва Узброеных Сілах дзяржавы каля 70 000 воінаў. Гэта без уліку войск тэрытарыяльнай абароны, заўважыў выступоўца. Падкрэсліў мабільнасць, кампактнасць, сучаснае ўзбраенне беларускай арміі.

Нагадаў пра сітуацыю вакол нашых граніц. Толькі за мінулы год войскамі НАТА праведзена больш за 230 вучэнняў наступальнага характару. Беларусь у сваю чаргу застаецца краінай з адкрытымі граніцамі, дзейнічае бязвіз. Разам з тым сёлета ў дзяржаве пачалася раптоўная праверка Узброеных Сіл, якая будзе доўжыцца на працягу года. На варце нашай бяспекі ракетны комплекс «Арэшнік».