Адзіныя дні азелянення «Разам за зялёную Беларусь», закладка алей, паркаў, сквераў «Народнае адзінства» пройдуць у рэспубліцы ў рамках Рэспубліканскага плана мерапрыемстваў па правядзенні Года народнага адзінства, зацверджанага Саветам Міністраў.

Пасадзіць дрэва ў населеным пункце і добраўпарадкаваць свой двор зможа кожны. На Міёршчыне арганізаваны збор прапаноў ад насельніцтва пра месцы, якія трэба азеляніць на землях агульнага карыстання. Іх сістэматызуюць у аддзеле па архітэктуры і будаўніцтве, жыллёва-камунальнай гаспадарцы райвыканкама. Грамадзянам паведамяць пра выбраныя пляцоўкі і даты правядзення пасадак.

 
Улічвайце, што для пасадкі драўнінна-хмызняковай расліннасці не падыходзяць участкі пад інжынернымі сеткамі, камунікацыямі, паблізу ад сцен будынкаў і збудаванняў. Немалаважныя глебава-грунтовыя ўмовы, якасныя і колькасныя характарыстыкі пасадачнага матэрыялу. Калі азеляніць прапанаваную тэрыторыю немагчыма, вам прадаста- вяць іншы ўчастак.

Аляксандр ВАЯВОДАЎ, галоўны спецыяліст раённай інспекцыі прыродных рэсурсаў і аховы навакольнага асяроддзя.

Фота для ілюстрацыі.