Вясной самы час укараняць новае ў наваколлі. У праграме рэспубліканскай патрыятычнай акцыі "Кветкі вялікай Перамогі" школьная Маладзёжная палата (лепшыя вучні раёна) пасадзілі ля СШ №2 яблыні. Ім у гэтым дапамаглі, а некага і навучылі, старшыня райвыканкама Ігар Кузняцоў і старшыня раённага Савета дэпутатаў Марыя Баніфатава.
Менавіта яблыні, бо іх квет побач з чырвона-зялёнай стужкай упрыгожвае сімвалічную бутаньерку. Ён сімвал чысціні, свежасці, вясны, адраджэння, новага жыцця. Разам з тым у народных славянскіх традыцыях яблыня сімвалізуе неперарыўную памяць, якая звязвае пакаленні. Такі сад у квецені адлюстроўвае ўраджайнасць, дабрабыт, дынамічнае развіццё, поспех суверэннай незалежнай Беларусі.
За дрэўцы салодкіх пладоў вялікі дзякуй мясцоваму фермеру Уладзіміру Кашкуру. Будуць буяць побач з каштанавым гаем, пасаджаным дырэктарам СШ №2 Уладзіславам Кашкурам. Наступная высадка яблынь плануецца ля Дзісенскай школы.
Алена БАСІКІРСКАЯ.
.jpg)