У адным з мінулагодніх артыкулаў ужо паведамлялася пра забойства чалавека, труп якога быў выяўлены ў рацэ Аута. Злачынца пакараны. А нядаўна раённы суд разгледзеў крымінальныя справы ў адносінах двух відавочцаў, якія палічылі за лепшае замоўчыць вядомыя ім факты.

5 сакавіка пры спробе незаконнага ўвозу трыкатажных вырабаў з Латвіі ў Беларусь быў затрыманы грамадзянін Літвы на аўтамабілі.

У пункце пропуску “Урбаны” пагранічнікі, група кінолагаў і супрацоўнікі мытні знайшлі пад сядзеннямі ў “Опелі” 45 найменняў адзення. Кошт адабранага тавару склаў 4 млн. 690 тыс. руб.

Сумеснымі намаганнямі ўпраўлення КДБ рэспублікі па Віцебскай вобласці і полацкімі пагранічнікамі прыпынена спроба арганізацыі канала нелегальнай міграцыі праз АПК “Верхнядзвінск”. Яго імкнуліся наладзіць 2 расіяніны і грамадзянін Індыі, які пастаянна жыве ў Расійскай Федэрацыі, а для гэтага ўстанаўлівалі кантакты з адказнымі асобамі беларускай пагранічнай службы, імкнуліся перадаць ім хабар у 2000 долараў ЗША, каб забяспечыць выезд 4 замежных грамадзян з Беларусі ў Латвію.

Мінулая вайна пакінула ў нашай зямлі шмат смертаносных выбухованебяспечных прадметаў. Найбольшая верагоднасць іх выявіць з’яўляецца ў красавіку-кастрычніку, калі ідуць палявыя работы, вядзецца меліярацыя.

Работнікі дзяржпажнагляду працягваюць планавыя праверкі суб’ектаў гаспадарання. Ва УП “Юбілейны” прызначана асоба, адказная за супрацьпажарнае становішча. Аднак планаванне работы ў гэтым напрамку не праводзіцца, а праблемы імкнуцца вырашаць па меры іх узнікнення. У інструкцыях інжынерна-тэхнічных работнікаў пытанні пажарнай бяспекі належным чынам не раскрыты, не вызначана адказнасць за парушэнні, недастатковы кантроль за захаваннем. Як і раней, праблема з забеспячэннем аб’ектаў сельгаспрадпрыемства пярвічнымі сродкамі пажаратушэння.

З 1 да 30 красавіка доўжыцца рэспубліканская акцыя пад такой назвай. Яе мэта — прыцягненне ўвагі да праблем бытавога насілля, папярэджанне правапарушэнняў на гэтай глебе, рэгуляванне сямейных адносін.

Сёлета за 2 месяцы на тэрыторыі раёна асобы, што маюць судзімасць, учынілі 19 (летась — 20) злачынстваў, у тым ліку па лініі крымінальнага вышуку — 15. У пераважнай большасці яны на сумленні непрацуючых.