Апошні званок у школах раёна прагучыць 31 мая. З 1 да 12 чэрвеня пройдуць выпускныя экзамены, у якіх прымуць удзел 509 вучняў. За базавую школу іх будзе здаваць 291 вучань, а за сярэднюю — 218. Дарэчы, найбольшая група дзевяцікласнікаў у Міёрскай СШ №3. А вось па колькасці юнакоў і дзяўчат, якія атрымаюць дыпломы аб сярэдняй адукацыі, лідзіруе СШ №2.

У школу прыходзяць дзеці розныя па характары, па паводзінах, па ўзроўні развіцця. Адны вучацца лёгка, хапаючы ўсё “на ляту”, іншым жа патрэбны напружаныя намаганні, каб адолець “такую складаную навуку”. Ёсць і тыя, навучанне для якіх аказваецца надта цяжкім і для іх саміх, і для настаўнікаў, і для бацькоў. Ім часта не ўдаецца “ўпісацца” ў школьнае жыццё, у дзіцячы калектыў. Яны заўсёды застаюцца ззаду ўсіх, і дыстанцыя часта не скарачаецца з гадамі, а толькі павялічваецца, ускладняючы ўсім жыццё і ствараючы праблемы.

27 красавіка ў СШ №3 адбыўся бацькоўскі сход, на які запрашалі па спісе. Ён уключаў 100 прозвішчаў, што для райцэнтра нямала, і гэта ўжо праблема. Справа ў тым, што яны прадстаўлялі сем’і, якія знаходзяцца на нейкім уліку ў школах, камісіі і інспекцыі па справах непаўналетніх. Але жаданне прыняць удзел у размове на гучную тэму “Бацькоўскі дом — пачатак пачаткаў...” пажадала значна менш, прыкладна трэцяя частка з запрошаных. А таму можна сцвярджаць, што ўзаемаадносіны ў многіх нашых маладых і не зусім сем’ях з’яўляюцца вострай праблемай. Аб ёй варта было пагаварыць.

Экскурсія ў Полацк для вучняў Цвецінскай школы была цікавай і пазнавальнай. Пабывалі ў музеях баявой славы і дзіцячым, у Спаса-Ефрасіннеўскім манастыры. Не маглі не наведаць адзіны ў нашай краіне музей беларускага кнігадрукавання. Размешчаны ён у будынку былой брацкай школы Полацкага Богаяўленскага манастыра.

Дадатковую адукацыю многія пакаленні педагогаў і дзяцей больш ведаюць як заняткі ў гуртках. Яны не толькі даюць магчымасць з карысцю арганізаваць адпачынак вучняў, але і развіць творчую актыўнасць дзяцей, сфарміраваць у іх цікавасць да ведаў.

Традыцыйна 26 сакавіка на вясенніх канікулах шчыра запрасіла наведвальнікаў раённая выстава дэкаратыўна-прыкладнога мастацтва і тэхнічнай творчасці “Творчы калейдаскоп 2012”, якая з’явілася вынікам работы гурткоў, пазакласнай работы з вучнямі настаўнікаў абслугоўваючай і тэхнічнай працы  за 2011-2012 навучальны год.  У экспазіцыі, размешчанай на першым паверсе СШ №1 — 136  работ дзяцей з 22 устаноў адукацыі,  выкананых у розных тэхніках: вязанне кручком, вышыўка, шыццё, саломапляценне, бісерапляценне, батык, лозапляценне, пэчворк, сурвэткавае цісненне, тэхнічнае мадэляванне, разьба па дрэве, тачэнне, выпільванне і інш.                          

На вясенніх канікулах 50 вучняў з 1-6 класаў Міёрскай СШ №2 кожны дзень спяшаліся ў школу. Тут працаваў аздараўленчы лагер “Сонейка”. Замест класаў — атрады “Іскраты” і “Праметэі”, замест урокаў — цікавыя заняткі, спартыўныя забавы, прагулкі і экскурсіі. 

Павага і патрабавальнасць — такімі прынцыпамі ў рабоце з калектывам і ў адносінах да вучняў кіруецца Тамара Анатольеўна Равецкая, намеснік дырэктара па вучэбна-выхаваўчай рабоце Туркоўскай СШ. Вось ужо 33 гады жанчына шчыруе на педагагічнай ніве, з іх 19 — займаецца адміністрацыйнай дзейнасцю. Прафесію настаўніка яна выбрала яшчэ ў дзяцінстве і ўпэўнена, што не памылілася. Калі адматаць назад стужку часу, усё роўна пайшла б гэтым жа шляхам.