Рэабілітацыяй дзяцей і сем’яў займаюцца сектар аховы дзяцінства, сацыяльна-педагагічны цэнтр, цэнтр карэкцыйна-развіваючага навучання і рэабілітацыі, сацыяльны прытулак, 24 педагогі сацыяльныя і 10 педагогаў-псіхолагаў, 13 грамадскіх інспектараў аховы дзяцінства. І спраў ім хапае, бо 8% непаўналетніх жывуць у нядобранадзейных сем’ях. Вось таму так важна прыкметы такой сітуацыі выявіць на ранніх стадыях.
У конкурсе маладых сем'яў "Валадар зямлі па-глыбоцку", што праходзіў тры дні, удзельнічалі дзве каманды з Глыбоцкага, па адной з Пастаўскага і Міёрскага раёнаў. Гонар Міёршчыны абараняла сям'я Кабяк — Наталля і Уладзімір з дзецьмі Іванам і Вікторыяй, якія ў мінулым годзе восенню заваявалі на абласным этапе першае месца, а на рэспубліцы — трэцяе. Пра апошнія падзеі расказала гаспадыня дома...
Назіраць за дзецьмі вельмі цікава. Яны ўсе розныя. Сур’ёзныя, усмешлівыя, задуменныя, настойлівыя, цікаўныя...
Наташа Рогач — вучаніца 10 класа — усмешлівая прыгажуня. А яшчэ яна выдатніца вучобы, актывістка. Заўсёды ў цэнтры ўвагі аднакласнікаў. Ніводнае свята ў школе не адбываецца без яе ўдзелу. Сваёй энергіяй яна захапляе навакольных. Адкуль гэта ўсё? Адказ вельмі просты. Канешне з сям’і.
Як цяпер модна гаварыць, мая малая радзіма — часцінка маіх бацькоў і мяне самой. Гэта тое месца, дзе мы працуем, вучымся, жывём. Сады ў квецені, блакітныя азёры Міёршчыны, спакойнае жыццё людзей. І вельмі страшна, калі ў такую ідылію ўрываецца вайна. Гэта вялікая бяда, калі на абарону роднага кута становяцца ўсе.
У нядзелю, 20 лістапада, у Папшулёўскім сельскім клубе было па-дамашняму цёпла, утульна і весела. Тут сабраліся маладыя сем’і на свята пад назвай “Сямейнае асарці”. Кожная з іх гатова была і сябе паказаць, і іншых паглядзець.
Пра сям’ю Шаўчонкаў з Пад’ельцаў гавораць з падкрэсленай павагай. Не кожны пахваліцца такой пазітыўнай рэпутацыяй, не выпадковай, а заслужанай, тым больш на вёсцы, калі кожны чалавек навідавоку. Хоць аграгарадок Пад’ельцы і далучаецца да райцэнтра, аднак уклад жыцця тут вясковы. Апрацоўваюцца прысядзібныя ўчасткі, на падвор’і — жыўнасць розная.
У тэрытарыяльным цэнтры прайшло мерапрыемства, прысвечанае Дню сям’і. Яго арганізавалі раённая арганізацыя ГА “Чырвоны Крыж”, РК ГА БРСМ, аддзелы райвыканкама па справах моладзі і ЗАГС. Пяць маладых сем’яў з дзецьмі з’яўляліся асноўнымі “віноўнікамі” сустрэчы: Слізень, Зямец, Піртань, Жук і Букіс. Вялі праграму начальнік аддзела па справах моладзі Дзмітрый Радзіхоўскі і старшыня раённай арганізацыі “Чырвоны Крыж” Ганна Ліскова.
15 мая — дзень сям'і Сапраўднае веснавое свята не толькі на сцэне, але і ў душах гледачоў удалося стварыць чатыром сем’ям — удзельнікам конкурснай шоу-праграмы “Сямейны вернісаж”, якая праводзілася ў РДК упершыню. Ідэя і арганізацыя мерапрыемства належыла аддзелам па справах моладзі, загс і культуры райвыканкама. Гучыць мелодыя. На экране — рамантычны эцюд пескаграфіі, які на вачах у гледачоў мяняецца новым і новым малюнкам. Галоўныя віноўнікі ўрачыстасці — члены клуба маладой сям’і райцэнтра і, безумоўна, іх дзеці: Сяргей і Валянціна Слізень з дачушкай Кацюшай, Ігар і Наталля Зямец з Уладзікам, Марыя, Аляксандр і Насценька Піртань, Наталля і Аляксандр Пальчэўскія з сыночкам Максімам. За іх хварэць і падтрымліваць прыйшлі родныя, блізкія, сябры і калегі.
6 красавіка споўнілася 50 гадоў, як зарэгістравалі сямейны шлюб Браніслаў Юльянавіч і Ядвіга Францаўна Маразы. Залатое вяселле, нямногія сямейныя пары сустракаюць такую шчаслівую падзею, тым больш у каханні, згодзе, узаемаразуменні. На Міёршчыне ведаюць Браніслава Юльянавіча перш за ўсё, як мясцовага паэта, аўтара зборніка вершаў “Добры дзень, мае родныя людзі”, выдадзенага ў 2010 годзе. Друкаваліся яго творы ў шэрагу выданняў, што маюцца ў раённай бібліятэцы, і вельмі часта ў раённай газеце. Б. Ю. Мараза запрашаюць у школы, дзе асабліва гарачымі апладысментамі ўспрымаюць дзеці яго выступленні, прачытаныя байкі, гумарыстычныя вершы, жартоўныя выслоўі. Гэты чалавек таленавіты ад прыроды.
утро +9 ° ...+22 ° ветер С-В 2-4 м/с
8210 
10400 
261,5
