15 сакавіка — Дзень спажыўца

Ва ўнівермагу райцэнтра ў дні жаночага свята (6, 7, 8 сакавіка) было ажыўлена. І гэта не выпадкова, бо прадстаўніцы цудоўнай паловы маглі набыць для сябе абноўкі з 20% скідкай кошту. Купіць можна было практычна ўсё з жаночага гардэроба плюс ювелірныя ўпрыгожванні. Вось таму і скарысталіся міярчанкі такой магчымасцю. Падобны шанц мелі і мужчыны, але толькі ў адзіны дзень — 23 лютага.
Папулярным з’яўляецца і спажывецкае крэдытаванне пад 15,5% гадавых. З пачатку сёлетняга года прададзена насельніцтву буйнагабарытных тавараў ў растэрміноўку на 350 мільёнаў рублёў. Асаблівым попытам карыстаюцца халадзільнікі, тэлевізары, скутары, матаблокі, мэбля.

З 28 лютага па 11 сакавіка пакупнікі мелі магчымасць набыць бытавую тэхніку і мэблю ў растэрміноўку і без працэнтаў.
Рэалізуюцца ў крэдыт абутак і адзенне. Многія пытанні можам вырашыць на месцы. Прыходзьце да нас за пакупкамі. Не пашкадуеце.